"Болгар радиосы"ннан 19 мартка йолдызнамә!

Кучкар.

Сез үзегезгә генә таянырга күнеккән. Ә менә бүген янәшәдәгеләргә таяныгыз. Алар да үзләренең мөһимлеген тойсын.

Үгезбозау.

Үгезбозауларның светофоры бүген бары яшел төс белән генә балкый. Алга, бары тик алга!

Игезәкләр.

Игезәкләргә бераз сагаерга кирәк. Кат-кат тикшерсәгез дә таман булыр.

Кысла.

Кыслаларга йолдызлар "романтика аз" дигән диагноз куя! Һичшиксез сихри кич ясарга кирәк.

Арыслан.

Арысланнар елмаю битлеге киегез дә, беркем белән дә бәхәсләшмәгез... Артык кәефегезне кырмагыз.

Кызлар.

Уңышка ирешер өчен кайвакыт бераз чигенеп алырга кирәк... Бары тизлек җыяр өчен генә!

Үлчәү.

Күңелсезлек, моңаюдан качыгыз! Атна башы булуына карамастан, гөрләтеп күңел ачсагыз да була.

Чаян.

Үз туксаны туксан. Чаяннар, бераз юл бирә белергә кирәк. Бүген артык киреләнмәгез.

Укчы.

Ялгызлыктан качыгыз. Сезгә яхшы кәеф белән уртаклашыр өчен бик күп дуслар кирәк. Әлбәттә, нәкъ үзәгендә - сез! Сезне бүген бернинди баулар да тота алмый.

Кәҗәмөгез.

Кәҗәмөгез, бераз хисләргә бирелеп алырга кирәк. Күңелең ни тели шуны эшлә. Йолдызлар әйтте диярсең, бик рәхәт булачак!

Сукояр.

Сукояр, вакыйганың үзәгенә тыкшынмагыз! Сезгә тими икән, читтән генә карап тору киңәш ителә.

Балык.

Халык мәхәббәтен яулау өчен бары үзең булып калырга кирәк. Кыланмагыз, сезне болай да яраталар...