"Болгар радиосы"ннан 12 февральгә йолдызнамә!

Кучкар.

Кучкарга кешенең баймы, хәерчеме икәне барыбер. Иң мөһиме сатыла торган булмасын.

Үгезбозау.

Үгезбозау өчен бу февраль ае әрсез, кыргый, мавыктыргыч, маҗаралы, мәхәббәтле һәм бүләкләргә бай булачак! Хәтта йолдызлар да көнләшә.

Игезәкләр.

Кешеләр, беркайчан да игезәкләрнең үзләрен генә калдырмагыз. Алар бик каты төшенкелеккә бирелеп, күп ялгышлар ясарга мөмкин. Аннан төзәтә-төзәтә җаныгыз чыгачак!

Кысла.

Кыслалар дәшмиләр... Ләкин йөрәкләре эчтән кабыргаларын сындырырдай булып тышка ыргыла. Мәхәббәт, сөю ялкынын таләп итә!

Арыслан.

Эх, арысланнар... Сез үзегез гаепле! Артык нык яратасыз, барысын да кичерәсез, бик күпне рөхсәт итәсез...

Кыз.

Кызлар үткәннәрне юксына. Элек дуслар белән барын да уртаклашып, әллә нинди маҗараларга юлыга, хаталана иде. Ә хәзер инде алар ерак, вакыт үткән һәм хаталанырга ярамый... Эх, бер котырып алырга...

Үлчәү.

Һәр кешенең дә иңендә фәрештәләр утыра. Берсе яхшысын язса, икенчесе - начарын. Ә менә үлчәүнең җилкәсендә күзләре тонган, каурыйлары тырпайган, агарынып беткән ике күгәрчен бар көченә: “Бетәме инде бу мәшхәр?" - дип кычкыра.

Чаян.

Чаяннарның ял итәсе килә. Шуның белән шул.

Укчы.

Укчылар күзгә карап сөйләгәннәрне хөрмәт итә. Арттан сөйләнгән мескеннәрне таптап китә.

Кәҗәмөгез.

Кәҗәмөгезләр әллә нинди аңлаешсыз хәлдә. Юк, аларга начар түгел, бары, нишләргә генә белмиләр.

Сукояр.

Сукоярларның бүген кәефе яшен тизлеге белән үзгәрер. Бер караганда сугышыр, икенчесендә кочаклап, мәхәббәт аңлатыр...

Балык.

Балыкларны кыерсытырга ярамый. Юкса алар елап җибәрәләр дә, аннан юеш күзләр аша көрәк белән кемгә кундырганнарын да күрми дә калалар.