“Болгар радиосы” милли музыка премиясен тапшыру тантанасының бизәге - "Махсус номинацияләр".
Тиздән моннан нибары 5 ел элек кенә барлыкка килеп, моңа кадәр татар дөньясында дан тоткан зур тамашаларны күләгәдә калдырган “Болгар радиосы” милли музыка премиясен тапшыру тантанасы якынлаша! Һәм кайбер серләрне чишү урынлы булыр. Грандиоз тамашының бизәге - "Махсус номинацияләр".
“Болгар радиосы” милли музыка пермиясе бу елны 5 нче тапкыр тапшырылачак, әмма “Махсус номинацияләр” нибары IV тантанада гына барлыкка килде. Моңарчы бары хит-парадта җиңгән җырчылар гына лауреат исеменә лаек була иде. Ришат Төхвәтуллин «Тынлачы сандугач», Айдар Галимов «Жырлы гомер», Гүзәл Уразова «Гомерем син», Хәния Фәрхи «Син дөньяда яши дисәләр», Салават «Юк, юк» җырлары белән узган елларны “Болгар радиосы” милли музыка премиясе лауреатлары исеменә лаек булдылар. Әмма, камиллеккә омтылу рәвешендә, сайлап алу шартлары киңәйтелде. Тантананың бер үзенчәлеге - күп санлы махсус номинацияләр. Аларны булдыруда «Болгар радиосы» милли музыка премиясен тапшыру тантанасын оештыручылар һәм сәнгать советы гына түгел, ә «Татарстан-Яңа Гасыр» тамашачылары һәм «Болгар радиосы» тыңлаучылары фикере дә зур роль уйный. “Болгар радиосы”на килгән SMS-хәбәрләр, котлауларда соралган җырлар – болар барысы да халык фикере, алар яраткан һәм сораган җырлар. Димәк, аларны да игътибарсыз калдырырга ярамый. Шул кагыйдәләр нигезендә узган елны «Иң популяр җыр» номинациясендә Вадим Захаров башкаруындагы җыр җиңеп чыкты. «Көттермәсәк иде әнкәйләрне» җыры «Болгар радиосы» дулкыннарында барган «Җырлы сәлам» тапшыруы барышында бик еш яңгырады һәм бүгенге көндә дә яңгырый.
Мисал өчен, узган елны “Иң яхшы клип” номинациясендә Илсөя Бәдретдинова җиңү яулады. “Дәшмәгез” җыры белән ул күпләрнең күңел кылларын чиртте, ә әлеге җырга төшерелгән клип тәүге тапкыр “ТНВ” каналында күрсәтелде. (авт. Элеккеге әңгәмәләренең берсендә Илсөя Бздретдинова “Кайнар хит” һәм “Милли музыка премиясе” турында болай диеп әйткән булган: “Яңа җырлар, клиплар төшереп “Кайнар хит”ка бирү теләге зур. Киләсе елда “Болгар радиосы” милли музыкаль премиясе лауреаты исемен алу хыялы юк түгел. Бирсен Ходай”.) «Ел җырчысы» өчен статуэтканы Ришат Төхвәтуллин алды, ә «Ел мөгаллимәсе» исеменә Венера Ганиева лаек булды. «Болгар радиосы» милли музыка премиясен тапшыру тантанасында җырчыларны гына түгел, ә шушы өлкәдә зур хезмәт куйган сәнгать әһелләрен дә билгеләп үтәләр. Мәсәлән, узган елны Рәшит Ваһапов фонды рәисе, продюсер Рифат Фәттаховка мактаулы диплом тапшырылды. Рифат Әхмәтович үз чыгышында болай диде : «Бүген тарихта беренче тапкыр продюсерны - яшь җырчыларның үсешенә өлеш кертүче кешене сәхнәдән котладылар! Моның өчен «Татарстан-Яңа Гасыр» телеканалына һәм «Болгар радиосы»на зур рәхмәт әйтәм».
Чишелмичә калган һәм киләсе тантанада чишеләсе серләр шактый әле, әмма бүгеннән шунысын тәгаен әйтеп була: Милли музыка премиясенең киләчәге якты! 9 нчы декабрь көнендә һәрбарчагызны да КРК "Пирамида"да көтеп калабыз! Җыр - моң бәйрәмендә бергә булыйк!
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
