“Болгар Радиосы” Әлмәттә зур концерт оештыра

З0 гыйнвар 19:00 сәгатьтә Әлмәт шәһәрендә татар эстрадасының әйдәп баручы артистлары катнашында чираттагы “Болгар Радиосы” концерты узачак.

"Болгар радиосы" баш мөхәррире-продюсеры  Илфар Кәримов “Болгар Радисы” концертларының миссиясе итеп – Казаннан кала башка төбәк тамашачысы өчен дә чыгыш ясауны атады.

“Болгар Радиосы” концертларны Казанда гына оештырмый. Без төрле төбәкләрдәге тамашачыларыбыз белән үз калаларында очрашырга тырышабыз һәм чираттагысы – Әлмәт”, - диде ул.

“Болгар Радиосы” Әлмәттә беренче тапкыр концерт куя.

Тамашаны “Болгар Радиосы” алып баручылары Рөстәм Гайзуллин, Айгөл Хәйруллина һәм Илфар Кәримов алып барачак.

Концертта Асаф Вәлиев, Виталий Агапов, Рифат Зарипов, Илназ Сафиуллин, Әбри Хәбриев, Мөнир Рахмаев, Динә Закирова,  Резидә Шәрәфиева,  Динә һәм Булат Нигъмәтуллиннар, Гүзәл Идрисова һәм Илназ Баһ, Алсу һәм Азат Фазлыевлар, Ильмира Нагимова һәм Руслан Кирамутдинов һәм башка татар эстрадасының популяр артистлары катнашачак.