"Болгар радиосы" гашыйклар көнен Инстаграмм һәм Вк челтәрендә билгели

Бүген Гашыйклар көне! Шул уңайдан Англиялеләр хатлар язалар- мәчеләренә, бигрәк тә атларга мәхәббәтләрен аңалаталар, Кытайда исә шар ярып кычкыру бәйгесе уза ди. Имеш, гашыйклар күпергә менеп бер-берсенә матур сүзләрне кычкырып әйтәләр, ә янәшәдә торучы хөкемдар дБ үлчи икән. Ләкин бөекләр әйткән бит "Мәхәббәт шул вакытта чын булыр, әгәр дә аның турында хәттә пышылдап әйтергә дә курыксаң". Без икенче юнәлешне сайладык һәм кычыкырып йөрмичә, тыныч кына Инстаграм һәм ВК челтәрләрендә "Мәхәббәт -ул..." дигән сорауга җавап эзләргә булдык.

Фотоларда "Болгар радиосы" алып баручыларының сөйгән ярларын күрә алачаксыз. Яңалыклар алып баручысы-Миләүшә Кашапова, эфирда эшләүче алып баручылар-Ләйсән Гарифуллина, Айсылу Хаҗиева, "ЧәкЧәк Шоу" алып баручылары Рәсим Фасихов, Рөстәм Гайзуллин һәм бар Татарстан баласының Дәү Әнисе белән Дәү Әтисе гаиләләре!

Бәйрәм белән!

Син минем бәхетем – мәңгелек,
Син ышан: сөюем – мәңге нык.
Мин чабам яныңа... юк, очам –
Күзләрең бәхетле һәм уйчан.
Ыргылам һаваданмы? Судан?..
Бу җиргә син миңа дип туган.
Син мәңге минеке, минеке!
Без икәү күкнеке?
Җирнеке?..
Барыбер анысы, бәхетем...
Мин сине сөюдән аһ иттем.
Мәхәббәт йөрәгем түрендә,
Син һәм мин ак бәхет үрендә.
Хыяллар сафтан саф, ак кына,
Елмаеп, шатланыр чак кына.
Сөенеч яшьләре күзеңдә,
Ак бәхет син бүген үзең дә!..
(Ленар Шәех)