"Болгар радиосы" эфирында баручы "Иртәнге чәй" проектыннан йолдызнамә!

"Болгар радиосы" эфирында баручы "Иртәнге чәй" проектыннан йолдызнамә!


Кучкар

Бүген сез үзегездэ барнәрсәне дә булдыра алырдай көч-куәт сизәрсез, шуңа күрә үзегезне герой кебек хис итәрсез. Ләкин көннең икенче  яртысында энергиягез кинәт кенә сарыф ителеп бетәргә мөмкин.

Үгезбозау

Бүген беркемгә дә, үзегез башлап, шалтырата да, СМС та язма күрмәгез.  Моның белән сез үзегезгә булган яхшы мөнәсәбәтне саклап калачаксыз. Һич югы эш хатларына гына жавап язарга рөхсәт ителә.

Игезәкләр

Өйдә туган аңлашылмаучанлыкны, яисә килеп чыккан каршылыкларны жайларга ашыкмагыз. Үзеннән-үзе җайланыр. Юк икән – кайгырмагыз, сез болай да хаклы.

Кыслалар

Кыслалар, үз кимчелекләрегездән оялмагыз. Ничек бар шулай яратсыннар. Әгәр дә булган “мөләем” кимчелекләрегезне, тагын да арттырып күрсәтсәгез ул сезнең сөйкемле сөягегезгә әйләнәчәк.


Арысланнар

Зур һәм катлаулы китаплар укудан туктап торыгыз. Сезгә бүгенге әнгәмәдә моңа кадәр укыганнар да җитә. Гади булыгыз, катлаулыдан кешеләр болай да туйган.

Кызлар
Буген финанс ягын яхшыртырга, менә дигән көн. Курыкмыйча алып-сату, бизнес эшенә керешеп, айлык кына түгел, ә күп елларга җитәрлек эш ачып җибәрә аласыз.

Үлчәүләр
Үлчәүләр, киемегезгә игьтибар итегез. Иртән берәрсен уятып, һичюгы  күршедән булса да, кинәш сорагыз. «Киемгә карап каршы алалар» дигән мәкаль, бүгенге көн девизы булырга тиеш.

Чаян
Табаныгызга басып килгән көндәшләрегезгә, койрык күрсәтер вакыт килеп җитте. Эшләрегез яшен тизлегедәй алга китәр. Җиң сызганып, балак күтәреп чабыгыз…

Укчы
Җитди эшләргә керешкәнче, эш урыныгызны җыештырып, тузаннарны сөртеп, кәгазъләрегезне тәртипкә салырга кирәк. Һич югы скрепкаларны санап куегыз. Бик нык тырышсагыз, әлеге эшне көне буена сузарга да мөмкин.

Кәҗәмөгез
Бүген сезнең көн!   Моңа кадәр юк-бар сөйләп аптыраткан кешеләрне, бүген үзегез тузга язмаганны аңлатып җәфаларсыз. Авыр эшкә кагылмыйча гына, сөйләшеп үтсен көнегез.

Сукояр
Эшегезне башкаларга да аңлатып эшләгез. Югыйсә дөрес аңламаслар.   Гади чәй эчкәндә дә: “Мин чәй эчәм” дип башкарыгыз.

Балыклар
Бүген көдрәтегез ташып торыр. Тик чамалап сарыф итегез. Бетеп китүе бар. Ә моның белән башкалар  файдаланырга мөмкин. Ярдәм итү кирәк, тик үзегезне дә онытмагыз.