“Болгар радиосы” Апас районында “Кичке уен” үткәрә!

18 июль көнне “Болгар радиосы” Татарстанның Апас районында күңелле тамаша - “Кичке уен” үткәрә. Чара Апас районы Сабан туе мәйданында узачак.

Билгеле булганча, “Болгар радиосы” Казан шәһәрендә генә түгел, республиканың төрле районнарында чаралар оештыра. Быел радио хезмәткәрләре “Кичке уен” белән Апас районына кайтырга ниятли. Эстраданың якты йолдызлары да безгә кушыла.

“Кичке уен”да татар эстрадасының популяр артистлары Илсөя Бәдретдинова, Ильмира Нәгыймова, Руслан Кираметдинов, Дилә һәм Булат Нигъмәтуллиннар, Ришат Фазлыйәхмәтов, Резидә Шәрәфиева, Сиринә Зәйнетдинова, Асаф Вәлиев, Рәсим Низамов, Алсу Әбелханова, Илназ Гарипов, Марат Шайбәков, Лилия Гыйматдинова, Рината Тей, Лилия Хәйруллина, Айдар Рәкыйпов, ИлГәрәй, “Бәхетле” төркеме, Марат Яруллин, Гөлдания Хәйруллина, Зәринә Хәсәншина, "Казан егетләре" катнашачак.

Сезне эстрада артистлары катнашындагы шәп концерт, күңелле тамаша, уеннар, истәлекле бүләкләр көтә! “Кичке уен” 18 июльдә 18 сәгатьтә Апас районының Сабан туе мәйданында башлана. Рәхим итегез! Күңелле булачак!