"Болгар радиосы" алып баручысы Фаил Гыймадов Әлфия апа Авзалова белән бәйле хатирәләре белән уртаклашты.

"Болгар радиосы” Татарстанның халык артисты Әлфия Авзалова истәлегенә багышланган “Сагыну” флешмобын башлап җибәрә. Әлфия апа һәркем өчен үзенеке: кем өчендер сердәшче, кемгәдер киңәшче, юатучы, кумиры һәм тормыш маягы... "Болгар радиосы" алып баручылары да әлеге флешмобтан читтә кала алмады. Һәрберсе татар халкының горурлыгы булган бөек шәхесебез турында матур сүзләр җиткерде, җылы хатирәләре белән уртаклашты. Видеоязмаларны "Болгар радиосы"ның интернет киңлекләрендәге аккаунтларында күререгә була: Ю-Туб каналы, ВК, Инстаграм челтәрләренә һәм рәсми сайтыбызның "Медиаконтент" бүлегенә рәхим итегез.

Шулай ук аңа әйтергә теләгән сүзләрегезне, җырчыбыз белән бәйле хатирәләрегезне “Болгар радиосы”на сез дә юллый аласыз.
Күңел кылларын аеруча тибрәткән хатлар “Болгар радиосы” эфирында яңгырар, ә тулы хатлар радионың рәсми сайтында урын алыр һәм газеталарда басылып чыгар.
Эчтәлеге белән беркемне дә битараф калдырмаган хатлар 17 нче октябрь көнне “Пирамида” концертлар залы сәхнәсеннән Әлфия Авзалованың якты истәлегенә багышланган “Сагыну” исемле хәтер кичәсендә укылачак.
Тетрәндергеч һәм олы хатирәле хат юллаучылар Әлфия Авзалованың якты истәлегенә багышланган “Сагыну” исемле хәтер кичәсенә чакыру билетлары белән бүләкләнәчәк.
Хатларны юллау мөмкинлеге:
1. 420015, Татарстан Республикасы, Казан шәһәре, Максим Горький ур, 15 йорт; «Болгар радиосы»на «Сагыну» флешмобы өчен.
2. bolgar.radio@mail.ru
Хатлар юллау вакыты:
11 сентябрь – 10 октябрь 2017 ел.