"Болгар радиосы" алып баручысы Дилбәр Фәиз "Таяну Нокта"сына чакырулы.

Дүшәмбе кичендә “Таяну ноктасы” юл йөрү кагыйдәләренә кертелгән соңгы үзгәрешләр турында әңгәмә кора. 
Студиянең кунаклары: Эчке эшләр министрлыгының Татарстан Республикасы буенча ЮХИДИ юл куркынычызлыгы идарәсенең пропаганда бүлеге җитәкчесе вазыйфаларын вакытлыча башкаручы Хәйдәр Җиһаншин, “Болгар радиосы” алып баручысы Дилбәр Фәиз, ТР Дәүләт Советы депутаты, полиция генерал-майоры Рафил Ногманов, К.Тинчурин исемендәге Татар дәүләт драма һәм комедия театры артисты Рөстәм Гайзуллин, шагыйрә Ләйлә Дәүләтова, танылган алып баручы Нур Алиев. Алар яңа үзгәрешләргә үз карашларын җиткерәләр, шулай ук мәсьәләнең уңай һәм тискәре якларын эзләп карыйлар. 
Исегезгә төшерәбез, шушы көннәрдә Россия Хөкүмәте юл йөрү кагыйдәләренә үзгәрешләр кертте. Яңа кагыйдәләр машина йөртүчеләргә генә түгел, җәяүле һәм велосипедчыларга да кагыла. 
Катлаулы мәсьәләгә кагылышлы барлык сорауларга җавапны дүшәмбе кичендә "Таяну ноктасы" тапшыруында эзлиләр. 
Белгәнегезчә, Дилбәрне машинасыз күз алдына китереп тә булмый. Ул  "Болгар радиосы" нда эшләгән дәверендә машиналарга кагылышлы күпсанлы тапшырулар эшләде. Шуларның соңгысы "Автомобиль дөньясында" тапшыруы әле һаман да күпләрнең исендә.