Бүген "Болгар радиосы" студиясенә Лилия Хәйруллина киләчәк.

Яраткан радиобызның тагын бер “ветераны” – ул да булса “Шөпшә Шоу”. Радиотамашаның эчке ашханәсендә үзгәрешләр булып, алып баручылар составы үзгәрсә дә, радиотыңлаучыларыбызның әлеге тапшыруга булган кызыксынуы кимеми, ә, киресенчә, сизелерлек тизлекләр белән арта гына. Ни өчен дигәндә, күпләргә билгеле шоумен һәм музыкант Рәсим Фасыйхов үзенең тамашага кушылуы белән “Шөпшә Шоу”га яңа сулыш өрде. Шоуга чакырылган кунакларыбызны ул үзенең якын “дусты” – баяны белән “тере” тавышка җырлата. Шунлыктан хәзерге “Шөпшә Шоу”ның һәр чыгарылышы чын татарча кич утыруга охшый.
Бүген исә "Болгар радиосы" студиясенә Лилия Хәйруллина киләчәк һәм баянга сузып-сузып җырлар башкарачак, ә бәлки, татар халык такмакларын җырлар. Моннан кала Лилия Хәйруллинаның серләрен дә чишәрбез, ник Лилия Гыймадиева белән җырлаудан туктаган икән, шул сорауга җавапны да  белербез...
Тапшыру 19.00 башланып, 24.00 гә кадәр дәвам итә! Тыңлагыз!