Авыл яки шәһәр: эстрада артистлары фикере!

РишатТөхвәтуллин: “Шәһәрдә чишмә юк”

Авыл: + иркенлек, хезмәт, кар көрәү;
– гомумән минусы юк.
Шәһәр: + инфраструктура үсеше;
– ыгы-зыгы, бөкеләр, чишмә юк.

Рифат Зарипов: “Авылда тудым, шәһәрдә торам, чит илдә яшисе килә”

Авыл: + саф һава, табигать, яшәве рәхәт;
– эш күп.
Шәһәр: + матур яшәү;
– матур яшисең килсә, акчаны күп эшләргә кирәк.

Рафаэль Латыйпов: “Шәһәрдә аралашу мөмкинлекләре күбрәк”

Авыл: + табигать кочагында яшәү, тынычлык;
– хезмәт күп, ял юк.
Шәһәр: + тормыш ритмы, аралашу мөмкинлекләре.
– экология.

Илсөя Бәдретдинова: “Авылда кул белән, ә шәһәрдә баш белән эшләргә кирәк”

Авыл: + тынычрак, суларга рәхәт;
– мәдәни чаралар юк дәрәҗәсендә, яхшы түләнелә торган эш табуы авыр.
Шәһәр: + бала үсеш алу мөмкинлекләре күбрәк;
– бернинди тынычлык юк, кайнап яшәргә кирәк.

Гүзәл Уразова: “Шәһәрдә бөтен әйберне сатып алырга кирәк”

Авыл: + дусларың, туганнарың күз алдында, сөйләшер кешең бар;
– эш урыннары һәм хезмәт хакы аз.
Шәһәр: + тормыш итү өчен бар да җайлаштырылган;
– вакыт җиткерү авыр, бөтен әйберне сатып алырга кирәк.

Җәвит Шакиров: “Авылда җиңел түгел!”

Авыл: + “свежий” ит, сөт, күкәй, саф һава;
– җиңел түгел – эшләп табасы.
Шәһәр: + монда юк чалгы, монда юк сәнәк, монда юк көрәк...
– сагындыра... Авыл кирәк!