Алия Төхвәтуллина аны "Ришат хатыны" дип кабул итүчеләргә мөнәсәбәтен әйтте

Кичә “Болгар радиосы”нда “Сәхнәдәш” тапшыруы радионың Вконтакте төркемендә туры трансляциядә барды. Кунак – Татарстанның атказанган артисты Алия Төхвәтуллина.

Тапшыру алып баручысы Айгөл Хәйруллина Алиядән аның “Ришат Төхвәтуллин хатыны” дип кабул итүчеләргә мөнәсәбәтен белеште.

“Алия Төхвәтуллина булуга карамастан, кеше күңелендә син барыбер Карачурина булып каласың. Күпләр сине Ришат Төхвәтуллин хатыны итеп беләләр. Сәхнәдә дә шулай кабул итү сизеләме ул?”, - дип сорады ул.

“Үземнең фамилиям бик матур булса да (Карачурина), хәзер Төхвәтуллина. Сәхнәдә дә мине шулай игълан иттеләр. Үзем дә ияләндем инде. Безнең өйләнү дә агым буенча гына, сизелмичә генә кереп китте, кеше дә аңа артык игътибар бирмәде кебек. Миннән әле социаль челтәрләрдә исемне үзгәртәсеңме дип тә еш сорадылар. Анда үзгәртәсе килми. Карачурина булып калсын, югалтырлар кебек. Миңа калса тамашачы да ияләште”, - дип җавап кайтарды Алия.

Тапшыруны тулысынча биредә карый аласыз.