ЯҢА БӘЙГЕ: “Болгар радиосы”нда – Гашыйклар көне!

Гашыйклар көне – ул бер-береңә тагын бер кат мәхәббәт аңлату, назлы сүзләр әйтү, сөйгән ярыңны сөендерү көне! Гашыйклар көнендә яраткан кешеңне ничек сөендерергә? “Болгар радиосы” менә дигән бүләк әзерләде!

25 гыйнвардан bolgar.radio@mail.ru адресына сөйгәнегез белән бер-берегезгә булган хисләрне чагылдырган матур фотолар юллагыз. Мәхәббәт фотолары 9 февральгә кадәр кабул ителә. Бәйгегә килгән сурәтләр “Болгар радиосы”ның bolgarradio.com сайтында урнаштырылачак! 10 февральдән 14енә кадәр иң матур мәхәббәт фотосы өчен тавыш бирергә онытмагыз!

Игътибар! Бер катнашучыдан 1 яки 2 фото кабул ителә. Бәйгедә 16 яшьтән өлкәнрәкләр катнаша ала.

Иң күп тавыш җыйган фото авторы 14 февраль көнне 12 сәгатьтә җиңүче дип игълан ителәчәк! Җиңүче парга кичке ашка ике кешелек чакыру тапшырылачак! Сездән үзенчәлекле фотолар көтәбез!