1. Үзеңне 3 сүз белән тасвирла.

Гаделлек яратам, кирерәк кеше.

2. Яраткан ризыгың?

Итле,бәрәңгеле ризыклар

3. 5 еллык сәяхәткә үзең белән кем яисә нәрсә алыр идең?

Якыннарымны,әлбәттә. Ләкин сәяхәтләр яратмыйм

4. Әлегә тормышка ашмаган хыялың?

Хыял күңелдә генә булырга тиештер дип беләм. Алар күп минем, ләкин мин бүгенге тормышымнан да кәнәгатьсез дип әйтә алмыйм.

5. Янган йорттан беренче булып нәрсәне алып чыгар идең?

Язмасын-күрсәтмәсен,Алла сакласын

6. Көн саен эшләп тә, ялыктырмый торган шөгылең?

Спорт басмалары уку, гармунда уйнауны атый алыр идем

7. Бүгенге көндә нинди максат белән яшисең?

Зур максатым бар, ләкин аны монда язарга теләмим

8. Син сайлыйсыңмы әллә сине сайлыйлармы?

Төрлечә була инде, тормыш булгач...

9. Син беркайчан да башкармаячак эш?

Күңел тартмаган эшкә берничек тә алына алмыйм

10. Җитәкче була алыр идеңме?

Башта азрак тәҗрибә туплап карыйк әле. Теләк белән булдыра алу - икесе ике нәрсә

11. Казаннан кала яшәү өчен тагын кайсы шәһәрне сайлар идең?

Туган авылымда эшләп –яши алыр идем.

12. Нәрсә дә булса өчен сиңа оятмы?

Кызганычка каршы булгалый...