- Үзеңне 3 сүз белән тасвирла.

- Уңган, тыныч һәм иң мөһиме – тыйнак)))

- Яраткан ризыгың?

- Әни әзерләгән

- 5 еллык сәяхәткә үзең белән кем яисә нәрсә алыр идең?

- Авыр сорау. Ирем – беренче урында, балаларны алабыз – аларны бар җиргә дә өстерибез))). Әти белән әнине алам – дөнья күрсеннәр, алайса эшлиләр дә эшлиләр))) Нәрсә алырга – белмим, нәрсә алсаң да 5 елга җитмәс)))

- Әлегә тормышка ашмаган хыялың?

- Тауга менмәдем, диңгез төбенә төшмәдем, парашют белән сикермәдем һ.б., һ.б., һ.б.

- Янган йорттан беренче булып нәрсәне алып чыгар идең?

- Акча 

- Көн саен эшләп тә, ялыктырмый торган шөгылең?

- Ашарга пешерү

- Бүгенге көндә нинди максат белән яшисең?

- Баналь сүзләр булса да - тормышта үз урынымны табасым килә

- Син сайлыйсыңмы әллә сине сайлыйлармы?

- Төрле чаклар була 

- Син беркайчан да башкармаячак эш?

- Ялынмыйм. Һөнәргә килгәндә – документ белән эшләүче хезмәткәр була алмас идем

- Җитәкче була алыр идеңме?

- Әйе

- Казаннан кала яшәү өчен тагын кайсы шәһәрне сайлар идең?

- Казаннан китәсе килми )

- Нәрсә дә булса өчен сиңа оятмы?

- Көн саен оят: балаларга кычкырсам– оят, эфирда сүзне дөрес әйтә алмасам – оят )))